Luka 5:30 - ÎVUKU RÎA ÛVORO MWARO

³⁰ Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Luka 5:30 ပူးပေါင်းရင်းမြစ်များ

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Mathaayo 5:46

Ethîrwa mwendaga tu wa andû arîa mamwendaga, Ngai angîmûva kîveo nîkî? Wana etia mbeca cia îgooti nîmekaga wa guo!

Mathaayo 9:11

Na rîrîa Afarisai moonire ûguo, nîmaaûririe arutwa ake atîrî, “Nîndûî gîtûmaga mwarimû wenyu arîcanîre na evia na etia mbeca cia gooti?”

Maariko 2:16

Na rîrîa arimû amwe a watho, a gîkundi Kîam Afarisai moonire Jesû akîrîcanîra na evia na etia a mbeca cia gooti, nîmaaûririe arutwa ake atîrî, “Nîndûî gîtûmaga arîcanîrena andû ta aya?”

Maariko 7:3

Afarisai na Ayahudi arîa engî onthe nîmaarûmagîrîra kîrîra kîrîa maanyitîte kuuma kûrî methe mao ma tene. Kwoguo matingîarîre irio matambîte kwîthambia njara. Wana nginya matingîarîre kîndû wana kîrîkû kuuma thokorî matambîte gûkîthambia.

Maariko 9:16

Jesû nîwaûririe arutwa ake atîrî, “Nî ûndû ûrîkû ûratûma mûkararanie nao?”

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Luka 19:7

Nao andû onthe arîa moonire ûguo, nîmaanugunire makiuga atîrî, “Mûndû ûyû athiî mûciî kwa mwîvia gûtuîka mûgeni.”

Luka 5:17

Mûthenya ûmwe rîrîa Jesû aathomithanagia, Afarisai amwe wana arimû a Watho arîa maaumîte matûûrarî monthe ma Galili, Judea na Jerusalemu, nîmeekarîte vakuvî na varîa Jesû aarî. Nake Jesû aarî mûve vinya wa kûvonia andû nî Mwathani.

Luka 5:21

Nao arimû a Watho na Afarisai nîmaambîrîrie kûrania atîrî, “Mûndû ûyû ûraruma Ngai nîkwa arî û? Nî ûrîkû ûngîvota kwovera mûndû mevia tiga Ngai wenga?”

Luka 7:34

Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Ciîko 23:9

Kwoguo nîkwagîre na înegene rînene. Nao arimû amwe a watho arîa maarî a gîkundi Kîam Afarisai nîmaarûngamire na makiuga meyûmîrîrîtie atîrî: “Tue tûtirona ûndû mûcûku wîkîtwe nî mûndû ûyû! Nwa kwîthîrwe roho kana mûraika nîke ûramwarîrie!”