Luka 5:3 - ÎVUKU RÎA ÛVORO MWARO

³ Nake Jesû nîwatwîre gatarûrî kamwe ka mûndû wetagwa Simioni, na akîmwîra akagendagendie vanini nîguo kaumaume rûtererî rwa îria. Jesû nîwacokire agîkara nthî kûu gatarûrî na akîambîrîria kûthomithia kîrîndî.

Luka 5:3 ပူးပေါင်းရင်းမြစ်များ

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Maariko 3:10

Nake nîwavonetie andû eengî, na nîkîo arwaru onthe maavatîkanaga makîenda kûmûvutia.

Maariko 3:9

Na nîûndû wa ûrîa andû maarî eengî, Jesû nîwerire arutwa ake mamûvarîrîrie gatarû nîguo ndagatugutanue nîo.

Luka 5:2

Vîndî wa îo Jesû nîwonire tûtarû twîrî tûgucagucîtue rûtererî rwa îria. Nao ategi a nthamaki nîmaaumîte tûtarûrî tûu na makambîrîria kûthambia neti ciao.

Johana 8:2

Kîraûko tene mûthenya ûcio wîngî, Jesû nîwacokire hekarûrî. Nao andû onthe nîmaathiîre kûrî ke, nake agîkara nthî na akîambîrîria kûmathomithia.