Luka 5:26 - ÎVUKU RÎA ÛVORO MWARO

²⁶ Nao andû onthe nîmaamakire mûno, makîgua guoya na makîambîrîria gûkumia Ngai makiugaga atîrî, “Na kaî ûmûnthî ûyû nîtwona maûndû ma magegania-î!”

Luka 5:26 ပူးပေါင်းရင်းမြစ်များ

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Mathaayo 12:23

Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Maariko 2:12

Nake mûndû ûcio nîwaûkîrire, agîoca kîvarî gîake na akiuma narua aroretue nî andû onthe. Nao andû onthe nîmaamakire na magîkumia Ngai makiugaga atîrî, “Kaî rûrû tûtirî twaruona-î!”

Luka 1:65

Nao andû onthe arîa maatûûranîrîte nake nî meegwire guoya mûno. Naguo ûvoro ûcio nîwataambire kûndû kuonthe vûrûrirî ûrîa ûrî irîma wa Judea.

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Agal 1:24

Kwoguo nîmaakumirie Ngai nîûndû wakwa.