Luka 5:24 - ÎVUKU RÎA ÛVORO MWARO

²⁴ Nie nîngûmwonia atî Mûrû wa Mûndû arî na wathani wa kwovera andû mevia gûkû nthî.” Na kwoguo Jesû nîwerire mûndû ûcio warwarîte mûrimû wa gûkua ciîga, atîrî, “Nie nîrakwîra atîrî, ûkîra, woce kîvarî gîaku na wînûke!”

Luka 5:24 ပူးပေါင်းရင်းမြစ်များ

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Mathaayo 16:13

Rîrîa Jesû na arutwa ake maakinyire vakuvî na îtûûra rîa Kaisarea Filipi, nîwaûririe arutwa ake atîrî, “Andû maugaga Mûrû wa Mûndû nû?”

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Mathaayo 9:6

Nie nîngûmwonia atî Mûrû wa Mûndû arî na wathani gûkû nthî wa kwovera andû mevia.” Jesû nîwacokire akîîra mûndû ûcio wonjete ciîga ciake cia mwîrî atîrî, “Ûkîra woce ûrîrî waku na ûthiî mûciî!”

Luka 5:13

Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Luka 5:18

Nao andû amwe nîmaathiîre makuuîte mûndû warî mûkuû ciîga cia mwîrî amamîrîte kîvarî. Na rîrîa maakinyire varîa Jesû aarî, nîmaageririe kûmûtonyia nyomba nîguo mamwige vau mbere ya Jesû.

Luka 5:23

“Nîndûî kîratûma mwîcirie maûndû ta mau ngororî cienyu? Ûndû ûrîa mûvûthû nî ûrîkû, nî kuga mûndû ûyû, ‘We nîwoverwa mevia maku’ kana nî kuga, ‘Ûkîra na wîthiîre?’

Luka 7:14

Jesû nîwacokire akîthiî na akîvutia îthandûkû rîa mûndû ûcio wakuîte na andû arîa maarîkuuîte makîrûngama. Nake Jesû akiuga atîrî, “Kamwana gaka nie nakwîra ûramûke.”

Luka 8:54

Nwatî Jesû nîwanyitire mwîrîtu ûcio njara na akîmwîra atîrî, “Mwarîwa, rûngama!”

Johana 11:43

Arîkia kuga ûguo, nîwetanire na mûgambo mûnene atîrî, “Lazaro, uma!”

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 5:27

Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû.

Ciîko 14:10

Kwoguo Paûlo nîwaugire na mûgambo mûnene atîrî, “Rûngama na magûrû maku!” Nake mûndû ûcio nîwarûgire îgûrû na akîambîrîria kûthiî na magûrû.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

Ciîko 9:34

Nake Petero nîwamwîrire atîrî, “Aenea, Jesû Kristû nîagûkûvonia wa rîu. Ûkîra na ware ûrîrî waku.” Na wa rîmwe Aenea nîwaûkîrire.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.

Kûguû 1:13

Gatagatîrî ka yo kwarî kîndû kîoonekaga kîvuana ta mûndû, ekîrîte nguo ndaca yakinyîte nyarîrî. Na kîthûrirî gîake aarî na mûcivi warî na rangi ya thaavu.