Luka 5:23 - ÎVUKU RÎA ÛVORO MWARO

²³ “Nîndûî kîratûma mwîcirie maûndû ta mau ngororî cienyu? Ûndû ûrîa mûvûthû nî ûrîkû, nî kuga mûndû ûyû, ‘We nîwoverwa mevia maku’ kana nî kuga, ‘Ûkîra na wîthiîre?’

Luka 5:23 ပူးပေါင်းရင်းမြစ်များ

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:5

Nî ûndû ûrîkû mûvûthû, nî kuga ‘Nîwoverwa mevia maku,’ kana nîkuga ‘Ûkîra wîthiîre?’

Maariko 2:9

Ûndû ûrîa mûvûthû nî ûrîkû, nîkwîra mûndû ûyû ûkuîte ciîga ciake cia mwîrî, ‘Nîwoverwa mevia maku,’ kana nîkûmwîra, ‘Ûkîra woce kîvarî gîaku na wîthiîre?’

Luka 5:22

Nake Jesû nîwamenyire meciria mao na akîmaûria atîrî,

Luka 5:24

Nie nîngûmwonia atî Mûrû wa Mûndû arî na wathani wa kwovera andû mevia gûkû nthî.” Na kwoguo Jesû nîwerire mûndû ûcio warwarîte mûrimû wa gûkua ciîga, atîrî, “Nie nîrakwîra atîrî, ûkîra, woce kîvarî gîaku na wînûke!”

Luka 7:48

Nake Jesû nîwacokire akîîra mûndûmûka ûcio atîrî, “We nîwoverwa mevia maku.”