Luka 5:21 - ÎVUKU RÎA ÛVORO MWARO

²¹ Nao arimû a Watho na Afarisai nîmaambîrîrie kûrania atîrî, “Mûndû ûyû ûraruma Ngai nîkwa arî û? Nî ûrîkû ûngîvota kwovera mûndû mevia tiga Ngai wenga?”

Luka 5:21 ပူးပေါင်းရင်းမြစ်များ

Thaburi 103:3

Nîke ûndekagîra mevia monthe, na akamvonia mîrimû yakwa yonthe.

Thaburi 130:4

Nwatî we nîûtwovagîra, nîguo tûgûtîîage.

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Thaburi 35:5

Marotuîka ta macaki magûrûkîtue nî rûkûngi, mavinyûrîtue nî mûraika wa Ngai-Mûnene!

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Danieli 9:19

We Ngai-Mûnene tûthikîrîrie! We Ngai-Mûnene twovere! We Ngai-Mûnene twîgue na wîke ûndû! We Ngai wakwa ndûgacererwe ûgîûka îtûûra rîîrî. Îtûûra rîîrî na andû aya nî aku.

Danieli 9:9

We Mwathani Ngai wetû nîwîgucanagîra ntha, na nîwovanagîra wana ethîrwa nîtûreganîte nawe.

Alawi 24:16

na aûragwe. Mûisiraeli wa wonthe kana mûgeni ûrîa ûtûûraga kûu Isiraeli angîkaaruma Ngai-Mûnene nwanginya akaaûragwa na mathiga nî andû onthe.

Mika 7:19

Ngai-Mûnene, twîguîre ntha rîngî, na ûrangîrîrie mavîtia metû rungu rwa makinyo maku, na ûmaikie îriarî kûrîa kûrikîru mûno.

Mathaayo 26:65

Nake Mûthînjîri-Ngai ûrîa mûnene nîwatembûrangire nguo ciake na akiuga atîrî, “Nîwaruma Ngai! Gûtirî aira engî tûrenda! Mue nîmwegua akîruma Ngai!

Mathaayo 9:3

Na arimû amwe a watho nîmeîrire na ngoro atîrî, “Mûndû ûyû nîwaruma Ngai!”

Luka 3:8

Îkani ciîko irîa ikwonania atî nîmwîrirîte mevia menyu. Mûtikambîrîrie kwîîra na ngoro cienyu atî, Iburahimu nîke îthe wenyu wa tene. Nie nîramwîra atî Ngai nwa oce mathiga mama na athondekere Iburahimu ciana kuuma kûrî mo!

Luka 5:17

Mûthenya ûmwe rîrîa Jesû aathomithanagia, Afarisai amwe wana arimû a Watho arîa maaumîte matûûrarî monthe ma Galili, Judea na Jerusalemu, nîmeekarîte vakuvî na varîa Jesû aarî. Nake Jesû aarî mûve vinya wa kûvonia andû nî Mwathani.

Luka 5:22

Nake Jesû nîwamenyire meciria mao na akîmaûria atîrî,

Luka 7:49

Nao andû arîa meekaranîrîte na Jesû makîria irio, nîmaambîrîrie kwîyûria na ngoro atîrî, “Mûndû ûyû ûrovanîra nginyagia mevia nîkwa arî û?”

Johana 10:33

Nao nîmaamûcokerie atîrî, “Tûtirenda gûkûûraga nîûndû wa gwîka maûndû maro, nwatî nîûndû nîwaruma Ngai! We wî mûndû tu, nwatî ûrageria gwîtua Ngai!”

Aroma 8:33

Nû ûngîona ûndû wa kûthitanga andû arîa Ngai athuurîte? Ngai ke mwene nîamatucaga athingu.