Luka 5:20 - ÎVUKU RÎA ÛVORO MWARO

²⁰ Rîrîa Jesû oonire atî andû acio maarî na wîtîkio mûnene nîwerire mûndû ûcio atîrî, “Mûrata wakwa, nîwoverwa mevia maku.”

Luka 5:20 ပူးပေါင်းရင်းမြစ်များ

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:5

Nî ûndû ûrîkû mûvûthû, nî kuga ‘Nîwoverwa mevia maku,’ kana nîkuga ‘Ûkîra wîthiîre?’

Maariko 2:5

Nake Jesû ona ûrîa maarî na wîtîkio mûnene, nîwerire mûndû ûcio wakuîte ciîga ciake cia mwîrî atîrî, “Mûvîcîwa, nîwoverwa mevia maku.”

Luka 7:48

Nake Jesû nîwacokire akîîra mûndûmûka ûcio atîrî, “We nîwoverwa mevia maku.”

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

Akol 3:13

Kiranagîrîriani na mûkovanîra vîndî îrîa mwavîtanîria. Nwanginya mwovanagîre wata ûrîa Mwathani wa nake aamwoverete.

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”