Luka 5:13 - ÎVUKU RÎA ÛVORO MWARO

¹³ Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Luka 5:13 ပူးပေါင်းရင်းမြစ်များ

Kîam 1:3

Nake Ngai nîwaugire atîrî, “Nî kûgîe ûtheri;” nakuo nîkwagîre na ûtheri.

Kîam 1:9

Nake Ngai nîwaugire atîrî, “Manjî marîa marî rungu rwa matu nîmacokanîrîre vamwe nîguo nthî nyûmû yumîre.” Na gûgîtuîka guo.

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Ezek 36:29

Nîngaamûvonokia kuuma kûrî maûndû monthe marîa matarî matheru. Nîngatha ngano iciarage mûno nîguo mûtikagîcage na yûra.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Mathaayo 8:3

Nake Jesû nîwatambûrûkirie njara yake akîmûvutia, na akîmûcokeria atîrî, “Nie nîngwenda, ûrothera!” Na wa rîmwe mûndû ûcio nîwavonirue mûrimû ûcio aarî naguo.

Luka 4:39

Jesû nîwakuvîvîrie mûndûmûka ûcio, na aamûroria, akîatha mûrimû ûcio ume kûrî ke, na ûkiuma. Nake mûndûmûka ûcio nîwaûkîrire wa rîmwe na akîambîrîria kûmatungatîra.

Luka 5:12

Rîrîa Jesû aarî îtûûrarî rîmwe, mûndû ûmwe warwarîte mûrimû mûcûku wa ngothi nîwathiîre varîa Jesû aarî. Na vîndî îrîa mûndû ûcio oonire Jesû, nîwegwîthirie nthî mbere yake na akîmûthaitha atîrî, “Mwathani! Ûngîenda nwa ûntherie!”

Luka 5:14

Nake Jesû nîwerire mûndû ûcio atîrî, “We ndûkeere mûndû wa na ûmwe ûndû ûyû. Nwatî thiî ûkarorue nî mûthînjîri-Ngai na ûrute îgongoona wata ûrîa Musa aathanire. Na weka ûguo, andû onthe nîmakûmenya atî nîwatherua.”