Luka 4:7 - ÎVUKU RÎA ÛVORO MWARO

⁷ Mothamaki mama monthe nîmagûtuîka maku wona wandurîria maru na ûngooce.”

Luka 4:7 ပူးပေါင်းရင်းမြစ်များ

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Luka 17:16

Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.

Luka 4:6

na îkîmwîra atîrî, “Nie nîngûkûva wathani wa kwatha mothamaki mama monthe wana riiri wamo, nîûndû nîmvetwe mo, na nwamve mûndû wa wonthe ûrîa nîngîenda.

Luka 4:8

Nake Jesû nîwacokerie ngoma îo atîrî, “Mandîko maugîte atîrî, ‘Goocaga Mwathani Ngai waku na ûmûtungatagîre wake wenga!’ ”

Luka 8:28

Na rîrîa mûndû ûcio oonire Jesû, nîwakaire, akîîgwîthia nthî mbere yake na akîanîrîra atîrî, “Jesû Mûriû wa Ngai ûrîa ûrî Îgûrû Mûno, ûrenda atîa nanie? Nie nakûthaitha ndûkamverithie!”

Kûguû 22:8

Nie Johana, nînegwire na ngîona maûndû mama monthe. Na rîrîa narîkirie kûmegua na kûmona, nie nînegwîthirie nthî magûrûrî ma mûraika ûrîa wamonetie maûndû mama, nîguo nîmûgooce.

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.