Luka 4:6 - ÎVUKU RÎA ÛVORO MWARO

⁶ na îkîmwîra atîrî, “Nie nîngûkûva wathani wa kwatha mothamaki mama monthe wana riiri wamo, nîûndû nîmvetwe mo, na nwamve mûndû wa wonthe ûrîa nîngîenda.

Luka 4:6 ပူးပေါင်းရင်းမြစ်များ

Esita 5:11

Hamani nîwamataarîrie arî na mwîtîîo ûvoro wa ûtonga wake, mwîgana wa ciana ciake wana ûrîa aaveetwe ngathî nene nî mûthamaki kûrî anene arîa engî wana gûkîra ndungata cia mûthamaki.

Isaia 23:9

Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Isaia 5:14

Kwoguo kwa arîa akuû nîkûmetererete na vinya, kwathamîtie kanyua ga kuo nginya mûthiia. Atongoria na andû arîa engî a Jerusalemu matonyaga kuo marî ikundi, wa vamwe na andû eengî arîa magûkenagîrîra.

Luka 4:7

Mothamaki mama monthe nîmagûtuîka maku wona wandurîria maru na ûngooce.”

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

2Akor 11:14

Ûndû ûyû ndûtûmakagia! Wana Caitani nîwîgarûraga onekane ta mûraika wa ûtheri.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

1Pet 1:24

Mandîko matheru maugîte atîrî: “Andû onthe mekariî ta nyaki, na riiri wao wonthe wîkariî ta maûa ma kîthaka. Nyaki nîyûmaga, namo maûa nîmagûcaga,

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:2

Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.

Kûguû 13:7

Nîyaverwe rûtha îrûe na andû a Ngai na îmavoote. Na nîyaverwe wathani wa kwatha mbarî cionthe, mavûrûri, nthiomi na iruka cionthe.