Luka 4:1 - ÎVUKU RÎA ÛVORO MWARO

¹ Jesû nîwaumire rûnjîrî rwa Jorodani ecûrîtwe nî Roho Mûtheru. Roho ûcio nîwamûtongoririe akîmûvira werûrî,

Luka 4:1 ပူးပေါင်းရင်းမြစ်များ

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Mathaayo 3:16

Nake Jesû aarîkia kûvatithua, nîwaumîrire manjîrî wa rîmwe. Narîo îgûrû nîrîavingûkire, na akîona Roho wa Ngai akînyûrûrûka ta ndutuura na agîkara îgûrû rîake.

Luka 2:27

Simioni nîwathiîre hekarûrî atongoretue nî Roho Mûtheru. Na rîrîa Josefu na Mariamu maavirire Jesû kûu nîguo mavingie ûrîa Watho waugîte,

Luka 3:3

Kwoguo Johana nîwathiîre akîvunjagia vûrûrirî wonthe ûrîa wakuvîvîrîtie rûnjî rwa Jorodani akiugaga atîrî, “Îîrireni mûcoke mûvatithue, nake Ngai nîakûmwovera mevia menyu.”

Luka 3:38

mûvîcî wa Enosi, mûvîcî wa Sethi, mûvîcî wa Adamu, mwana wa Ngai.

Luka 4:14

Jesû nîwacokire vûrûrirî wa Galili arî na vinya wa Roho Mûtheru. Nayo ngumo yake nîyatambire vûrûrirî wonthe.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 1:32

Johana nîwavecanire ûira ûyû: “Nînona Roho akînyûrûrûka kuuma îgûrû ekariî ta ndutuura na ekara îgûrû rîake.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 8:39

Na rîrîa maaumîrire manjîrî, Filipu nîwecukirue nî Roho wa Mwathani, na mûndû ûcio ngaramba ndaamwona rîngî, nwatî nîwathiîre na mbere na rûgendo rwake ecûrîtwe nî gîkeno.