Luka 3:16 - ÎVUKU RÎA ÛVORO MWARO

¹⁶ Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Luka 3:16 ပူးပေါင်းရင်းမြစ်များ

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Johana 1:26

Johana nîwamacokerie atîrî, “Nie mvatithanagia na manjî, nwatî gatagatîrî kenyu varî na mûndû mûtecî.

Johana 1:27

Ke nîagûka vuva wakwa na nie ndirî mwagîrîru wa kwovora ndigi cia iratû ciake.”

Johana 1:33

Nie mwene ndiamwîcî, nwatî Ngai ûrîa wandûmire ngavatithanie na manjî, nîwambîrire atîrî, ‘We nîûkoona Roho akînyûrûrûka na agîkara îgûrû rîa mûndû; Ke nîke ûvatithanagia na Roho Mûtheru.’

Johana 7:38

na wata ûrîa mandîko matheru maugîte, ‘Ngororî ya mûndû wa wonthe ûmbîtîkîtie gûkaaumaga tûrûnjî twa manjî marîa mavecanaga mwoyo.’ ”

Ciîko 1:5

Johana aavatithagia andû na manjî, nwatî vuva ya mîthenya mînini nîmûkaavatithua na Roho Mûtheru.”

Ciîko 10:44

Rîrîa Petero aathiîcaga na mbere kwaria, Roho Mûtheru nîwanyûrûrûkîre arîa onthe maathikîrîrîtie ndûmîrîri îo.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.