Luka 3:1 - ÎVUKU RÎA ÛVORO MWARO

¹ Mwakarî wa îkûmi na gatano wa wathani wa Tiberio, mûthamaki wa Roma, Pontio Pilato nîke warî mûnene wa Judea. Nake Herode aathanaga vûrûrirî wa Galili, nake mûrwang'ina Filipu aathanaga icunjî cia Iturea na Turakoniti. Nake Lisania aathanaga vûrûrirî wa Abilene.

Luka 3:1 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Mathaayo 14:1

Kavinda wa kau, Herode ûrîa wathanaga Galili nîwegwire ngumo ya Jesû,

Mathaayo 14:3

Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 14:6

Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio,

Mathaayo 22:17

Tatwîre ûrîa ûgwîciria. Watho wetû nîûtwîtîkîrîtie kûrutîra mûthamaki wa Roma gooti kana ndwîtîkîrîtie?”

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Maariko 6:17

Herode ke mwene nîke wathanîte atî Johana anyitwe na ovwe na mvîngû na acoke aikue njeera. Herode eekire ûguo nîûndû nîwavikîtie Herodia ûrîa warî mûka wa mûrwang'ina Filipu.

Maariko 6:21

Na mûthiiarî, Herodia nîwacokire akîgîa na kamweke mûthenya ûrîa Herode akûngûagîra gûciarwa gwake. Mûthenya ûcio nîguo Herode aathondekete kîrugo na agetîra anene ake, atongoria a mbaara, wana andû arîa maarî na îgweta kûu Galili.

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Luka 2:1

Mîthenyarî îo, Agusito ûrîa warî mûthamaki wa Roma, nîwathanire atî andû onthe mathiî magetarithie.

Luka 23:24

Kwoguo Pilato nîwacokire agîtua ciira akiuga mavingîrue ûrîa meendaga.

Luka 3:19

Johana nîwatetirie Herode ûrîa warî mûnene nîûndû Herode nîwocete Herodia ûrîa warî mûka wa mûrwang'ina akamûtua mûka, na agacoka ageka maûndû meengî ma waganu.

Luka 9:7

Vîndî îrîa Herode ûrîa warî mûthamaki wa Galili eegwire maûndû monthe marîa meekîkaga, nîwarigarirue mûno nîûndû andû amwe maaugaga atî Johana Mûvatithania nîke ûriûkîte.

Ciîko 23:26

“Nie Kilaudio Lîsia, nînagûkethia we mûnene mûgathe Feliki.

Ciîko 24:27

Rîrîa mîaka îîrî yavîtûkire, Porikio Fesito nîwocire wîra wa Feliki, na agîtuîka mûnene wa thirikari. Feliki nîwendaga kwîyendithia kûrî Ayahudi, kwoguo nîwatigire Paûlo arî njeera.

Ciîko 26:30

Nake mûthamaki, mûnene wa thirikari, Banîci na andû arîe engî onthe meekarîte vamwe nao nîmaarûngamire.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.