Luka 24:46 - ÎVUKU RÎA ÛVORO MWARO

⁴⁶ na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Luka 24:46 ပူးပေါင်းရင်းမြစ်များ

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Luka 24:7

‘Nwa nginya Mûrû wa Mûndû anenganîrwe kûrî evia, ambwe na mûthenya wa kathatû ariûkue.’ ”

Johana 20:9

Nginya vîndî îo matiarî ataûkîre nî mandîko matheru marîa maugîte atî nwa nginya ariûke kuuma kûrî akuû.)

Ciîko 17:3

Nîwamataarîrie mandîko na kuuma kûrî mo akîmonia na ma atî nîkwarî na wagîrîru wa Mesaya athînue na acoke ariûke. Nake Paûlo nîwamerire atîrî, “Jesû ûcio nie nîramwîra ûvoro wake, nîke Mesaya.”

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,