Luka 24:41 - ÎVUKU RÎA ÛVORO MWARO

⁴¹ Na rîrîa meekarîte ûguo matagwîtîkia nîûndû wa gûkena na kûmaka, Jesû nîwamaûririe atîrî, “Mûrî na kîndû kîngîrîwa?”

Luka 24:41 ပူးပေါင်းရင်းမြစ်များ

Ayubu 9:16

Nîngîetire Ngai akîmbîtîka, ndingîetîkirie atî nîwanthikagîrîria.

Maariko 16:11

Rîrîa Mariamu aameerire atî Jesû aarî mûriûku na atî ke aarî mûmwonu, matiamwîtîkia.

Maariko 16:13

Nao nîmaacokire kûrî arutwa arîa engî na makîmera atî o nîmona Jesû nwatî matietîkia.

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Maariko 8:7

Nao arutwa maarî na nginya tûthamaki tûnini. Nake Jesû nîwatûrathimire na akîmeera magaîre andû.

Luka 24:11

Nwatî atûmwa matietîkia ûvoro ûcio nîûndû megucaga irî ng'ano. [

Luka 24:40

Rîrîa aarîkirie kûmeera ûguo nîwamoonirie njara ciake wana magûrû make.]

Luka 24:42

Nao nîmaamûvere kînuku Kîam nthamaki îno nduge,

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 21:5

Nake Jesû nîwacokire akîmaûria atîrî, “Anake aya, mûrîanyitu nthamaki wanarî îmwe?” Nao nîmaamûcokerie atîrî, “Naarî.”

Ciîko 12:14

Na rîrîa mwîrîtu ûcio aamenyire kanyua ka Petero, nîwakenire mûno na ndaavingûra mûrango. Vandû va ûguo, nîwavinyûrire na kûu ndaarî na akîîra andû onthe atîrî, “Nî Petero ûrûngamîte mûrangorî!”