Luka 24:28 - ÎVUKU RÎA ÛVORO MWARO

²⁸ Vîndî îrîa maakuvîvîrie gîcagi kîrîa mathiîte, Jesû nîwonekanire takwa eendaga kûthiî na mbere na rûgendo.

Luka 24:28 ပူးပေါင်းရင်းမြစ်များ

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Kîam 42:7

Rîrîa Josefu oonire aa mûrwang'ina nîwamamenyire, nwatî nîwamerigithirie na akîmarîria na rûtûrîko na akîmaûria atîrî, “Mumîte kû?” Nao nîmaacokirie atîrî, “Tumîte vûrûrirî wa Kanaani na tûkîte kûgûra irio.”

Maariko 6:48

Nake nîwonire arutwa ake makîthînîka, nîûndû maatwarithagia îtarû marîerekeretie na kûrîa rûkûngi rwaumaga. Na kîraûko tene Jesû nîwamakinyîre athiîrîrîte manjîrî îgûrû akîenda kûmavîtûka.

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.