Luka 24:27 - ÎVUKU RÎA ÛVORO MWARO

²⁷ Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Luka 24:27 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Isaia 9:1

Vûrûri ûrîa wecûrîtwe nî kîeva ndûkethîrwa ûrî na mathîna rîngî. Tene Ngai nîwatûmire mavûrûri ma Zebuluni na Nafutali mamenererue, nwatî vuvarî nîagaatûma Galili kûrîa andû a ndûrîrî matûûraga kûgîe na ûkumio. Vûrûri ûyû nî ûrîa ûrî njîrarî îrîa îthiîrîrîte gatagatî ka îria na Jorodani.

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Mika 5:6

“Nîmagaatûmîra indo ciao cia mbaara kwatha Asîria, nîmakavoota vûrûri wa Nimurodi. Na nîmagaatûvonokia kuuma kûrî Asîria rîrîa makaatharîkîra vûrûri wetû.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Ndari 21:14

Kîu nîkîo gîatûmire kwandîkwa îvukuurî rîa mbaara cia Ngai-Mûnene atî: “Îtûûra rîa Wahebu rîrî vûrûrirî wa Sufa, ciandarî cia rûnjî rwa Arinoni,

Maariko 4:34

Na ndangîarîrie kîrîndî na njîra îngî tiga ya ngerekano. Nwatî rîrîa ethagîrwa arî vakuvî na arutwa ake onga, nîwamataaragîria maûndû monthe.

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Johana 5:37

Wana nginya Vava ûrîa wandûmire nîavecanaga ûira ûmbîgiî. Mue mûtianegua mûgambo wake na mûtianona ûrîa ekariî.

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Ciîko 3:22

Nîûndû wana Musa nîwaugire atîrî, ‘Mwathani Ngai wenyu nîakaamûtûmîra mûrathi wata ûrîa ke aandûmire. Mûrathi ûcio akeethîrwa arî ûmwe wa andû enyu. Na mue nwanginya mûkaamwathîkîra maûndûrî monthe marîa ke akaamwîra.

Ciîko 3:24

Nao arathi onthe arîa manavecana ndûmîrîri ya Ngai, mambîrîrîtue nî Samueli na arîa maaûkire vuva wake, nîmaarathire ûvoro wîgiî maûndû marîa marethîrwa magîkîka mîthenyarî îno.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Ciîko 8:35

Nake Filipu nîwatumûrire kanyua na akîmûva Ûvoro Mwaro wîgiî Jesû Kristû, ambîrîrîtie na gîcunjî kîu Kîam mandîko matheru.

Gûco 1:45

Kwoguo nîmwarîrîre Ngai-Mûnene nîguo amûtethie. Nwatî Ngai-Mûnene nîwaregire kûmûthikîrîria kana kûmûtethia.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.