Luka 23:9 - ÎVUKU RÎA ÛVORO MWARO

⁹ Kwoguo Pilato nîwaûririe Jesû ciûria nyîngî, nwatî Jesû ndaamûcokeria.

Luka 23:9 ပူးပေါင်းရင်းမြစ်များ

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Isaia 53:7

“Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Mathaayo 27:12

Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.

Mathaayo 27:14

Nwatî Jesû nîwaregire gûcokia wanarî ûndû. Kwoguo Pilato nîwamakire mûno.

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

Maariko 15:5

Wana rîngî Jesû nîwaregire gûcokia wa naarî ûndû. Kwoguo Pilato nîwamakire mûno.

Luka 13:32

Nake Jesû nîwamacokerie atîrî, “Tathiîni mwîre mbwe îo atî ûmûnthî wana rûyû nîmbîthîrwa nîrî gûkû ngîrutûrûraga ngoma kuuma kûrî andû na ngîmavonagia mîrimû yao. Narîo aûke nîngarîkia wîra wakwa.

Luka 23:10

Nao anene a athînjîri-Ngai na arimû a Watho arîa maarûngamîte vo, nîmaathitangire Jesû mevotorete mûno.

Johana 19:9

Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.

Ciîko 8:32

Nakîo gîcunjî Kîam mandîko matheru kîrîa mûndû ûcio aathomaga Kîamrî gîkî: Ke eekariî ta ng'ondu îthiîte kûthînjwa; na aakirire wata ûrîa ng'ondu îkiraga vîndî îrîa guoya wayo ûrenjwa. Ke ndaatumûra kanyua gake.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.