Luka 23:5 - ÎVUKU RÎA ÛVORO MWARO

⁵ Nwatî nîmaakinyîrîrie ûvoro ûcio mûno makiugaga atîrî, “Mûndû ûyû akîthomithia nîaraunjuga andû a vûrûri wonthe wa Judea. Ke aambîrîrie vûrûrirî wa Galili na rîu arî gûkû gwetû.”

Luka 23:5 ပူးပေါင်းရင်းမြစ်များ

Thaburi 22:16

Gîkundi Kîam andû arîa acûku nîkînthiûrûrûkîrîtie, gîkundi gîkariî ta ngui ino mvûtu nîkînthiûrûrûkîrîtie, nîmanducangîte njara na magûrû makwa.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Mathaayo 11:1

Na rîrîa Jesû aarîkirie kûthomithia arutwa ake arîa îkûmi na aîrî, nîwaumire kûu na akîthiî kûthomithia na kûvunjia matûûrarî marîa maarî gûkuvî na kûu.

Mathaayo 2:1

Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Maariko 1:14

Rîrîa Johana aavingîrwe njeera, Jesû nîwathiîre Galili akîvunjagia Ûvoro Mwaro wa Ngai,

Luka 11:53

Rîrîa Jesû aaumire kûu, arimû a watho na Afarisai nîmaamwîngîrîre na vinya mûno na makîmûûria ciûria ciîgiî maûndû meengî. Arimû acio a watho na Afarisai meekire ûguo

Luka 23:23

Nwatî kîrîndî nîkîathiîre na mbere kugîrîria gîkinyîrîrîtie gîkiuga atî Jesû ambwe, na mûthiiarî kugîrîria kwao gûkîvootana.

Luka 23:6

Vîndî îrîa Pilato eegwire ûguo nîwaûririe atîrî, “Mûndû ûyû nî Mûgalili?”

Johana 1:43

Naguo mûthenya ûcio wîngî Jesû nîwatwire athiî Galili. Nake nîwethîrîrie Filipu na akîmwîra atîrî, “Nûmîrîra!”

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Johana 7:41

Nao andû amwe nîmaaugire atîrî, “Ke nîke Mesaya!” Nwatî andû engî nîmaaugire atîrî, “Anga Mesaya akaauma îtûûrarî rîa Galili?

Johana 7:52

Nao nîmaamûcokerie atîrî, “Anga wa nawe wî wa kuuma îtûûrarî rîa Galili? Tuîria waro Mandîkorî Matheru wone atî gûtirî mûrathi ûkaauma îtûûrarî rîa Galili.”

Ciîko 10:37

Mue nîmwîcî atî ûvoro ûcio nîwavunjirue Judea kuonthe wambîrîrîtie Galili vuva wa Johana kûvunjîria andû ûvoro wîgiî ûvatithio.

Ciîko 23:10

Nacio ngarari nîciengîvire mûno nginya mûnene wa mbûtû ya athigari akîambîrîria kwîgua guoya akîona takwa Paûlo agûtembûranganua tûcunjî nî Ayahudi. Kwoguo mûnene ûcio wa mbûtû ya athigari nîwathire athigari ake akîmeera manyûrûrûke mathiî varîa Paûlo aarî, mamûrute vo na vinya na mamûvire kûrîa athigari maambîte magema.

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

Ciîko 7:57

Nao athuuri onthe a Kîamma nîmaaugîrîrie na vinya, magîkunîka matû mao na magîtitimûkîra Stefano wa rîmwe.