42 Nake mûndû ûcio nîwacokire akîîra Jesû atîrî, “Jesû, ûkaandirikana vîndî îrîa ûgaatuîka Mûthamaki!”
“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”
“Nîramwîra na ma atî mûndû wa wonthe ûnyumbûraga mbere ya andû, wana Mûrû wa Mûndû nîakaamumbûra mbere ya araika a Ngai.
“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’
Tue tûtuîrîrîtwe îvera rîringanîte na ciîko irîa twîkîte. Nwatî mûndû ûyû tî mwîku ûndû wana ûmwe mûcûku.”
Nake Jesû nîwamwîrire atîrî, “Na ma nîrakwîra atî, ûmûnthî ûyû, nîwîthîrwa ûrî îkenero vamwe nanie.”
Na kinthî gûtiagîrîrîte Mesaya athînue nîguo acoke kwoneka arî na riiri wake?”
Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”
Nake Toma nîwamûcokerie atîrî, “Mwathani wakwa na Ngai wakwa!”
Nao nîmaamûcokerie atîrî, “Îtîkia Mwathani Jesû, na nîûkûvonoka, we na andû onthe a mûciî waku.”
Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.
Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.
Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.