Luka 23:35 - ÎVUKU RÎA ÛVORO MWARO

³⁵ Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”

Luka 23:35 ပူးပေါင်းရင်းမြစ်များ

Thaburi 22:17

Ndigarîte mavîndî matheri, nthû ciakwa indoragia ingûrîrîte metho.

Thaburi 35:15

Nwatî rîrîa naarî thînarî, onthe nîmaakenete na nîmaanthiûrûrûkîrie nîguo manyûrûrie, andû ageni nîmaandivire na.

Thaburi 4:2

Mue andû aya, nîmûtûûra mûnyararîte nginya rî? Nîmûtûûra mwendete maûndû matarî vata nginya rî mûkîaragia maveeni?

Thaburi 69:26

Nîûndû nîmanyariraga arîa ûverithîtie, na arîa ûgurarîtie nîmamongagîrîra mînyamaaro.

Thaburi 71:11

na makauga atîrî, “Ngai nîamûtiganîrîtie; tûmûrûmîrîrie na tûmûnyite; nîûndû gûtirî na wa kûmûvonokia.”

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Maca 3:14

Nînduîkîte kîndû gîa kûthekererwa nî andû onthe, natuîkire rwîmbo rwa kwinagwa mûthenya wonthe.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 23:13

Pilato nîwetire mûcemanio wa anene a athînjîri-Ngai, atongoria wa vamwe na kîrîndî,

Luka 23:39

Na mûndû ûmwe wa arîa maambîtwe nîûndû wa kûgera ngero nîwamûrumire akîmwîraga atîrî, “Na kinthî we tîwe Mesaya? Îîvonokie na ûcoke ûtûvonokie!”

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.