Luka 23:31 - ÎVUKU RÎA ÛVORO MWARO

³¹ Nîûndû angîthîrwa andû nîmareka maûndû ta mama vîndî îrîa mûtî ûrî mwîthî, gûgeekara atîa mûtî waûma?”

Luka 23:31 ပူးပေါင်းရင်းမြစ်များ

Nthi 11:31

Ethîrwa andû arîa athingu marîvagwa marî gûkû nthî, nama, andû arîa aganu na evia nîmakaaverithua.

Jeremia 25:29

Taroria! Rîu nîngwambîrîria kûverithia îtûûra rîrîa rîtanîtue nanie. Mûreciria nwa mûrege kûverithua? Nwa nginya mûverithue, nîûndû nîngûtûma kûgîe na mbaara kûrî andû onthe a nthî. Nînie Ngai-Mûnene mwene vinya wonthe nauga guo.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Luka 23:30

Kavinda kau nîrîo andû makaambîrîria kwîra irîma atîrî, ‘Tûgwîreni!’ na macoke meere tûrîma atîrî, ‘Tûkunîkîreni!’

Luka 23:32

Na andû engî aîrî ageri ngero nîmaaumagarirue nîguo makaûragwe vamwe na Jesû.

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Ahib 6:8

Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.