Luka 23:27 - ÎVUKU RÎA ÛVORO MWARO

²⁷ Andû eengî mûno nîmaaumire Jesû vuva na gatagatîrî kao vaarî na aka maarîragîra Jesû marî na kîeva kîîngî ngororî ciao.

Luka 23:27 ပူးပေါင်းရင်းမြစ်များ

Thaburi 22:17

Ndigarîte mavîndî matheri, nthû ciakwa indoragia ingûrîrîte metho.

Mathaayo 11:17

‘Tue nîtwamwinîre nyîmbo cia ûviki nwatî mûtieinia! Tue nîtwamwinîre nyîmbo cia mathiko na mûtiarîra!’

Mathaayo 27:55

Navo vaarî na aka eengî meroragîria marî varaca. Aka acio nî arî maarûmîrîrîte Jesû kuuma Galili makîmûtungatagîra.

Maariko 15:40

Na vau vaarî na aka meeroragîria marî varaca. Gatagatîrî kao kwarî na Mariamu Mûmagidali, Salome na Mariamu ng'ina wa Josefu na Jakuvu ûrîa mûnini.

Luka 23:28

Nwatî Jesû nîwevûgûrire na kûrîa maarî na akîmeera atîrî, “Mue aka aya a Jerusalemu tigani kûndîrîra, îîrîrîreni mue ene na mûrîrîre ciana cienyu.

Luka 23:55

Nao aka arîa maaumîte Jesû vuva kuuma Galili, nîmaathiîre marî vamwe na Josefu na makîona mbîrîra na ûrîa mwîrî wa Jesû waigirwe.

Luka 8:2

vamwe na aka amwe arîa Jesû aarutûrûrîte maroho macûku kuuma kûrî o na akamavonia mîrimû, nîmaathiîcanirie nake. Aka arîa maarî vo nî; Mariamu (ûrîa wetagwa Mûmagidali) ûrîa warutûrûrîtwe ngoma mûgwanja,

Luka 8:52

Nao andû onthe arîa maarî kuo nîmaarîraga marî na kîeva nîûndû wa gûtigwa nî mwîrîtu ûcio. Nake Jesû nîwerire andû acio atîrî, “Tigani kûrîra nîûndû mwîrîtu ûyû tî mûkuû, nîkwa amamîte.”

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.