Luka 23:23 - ÎVUKU RÎA ÛVORO MWARO

²³ Nwatî kîrîndî nîkîathiîre na mbere kugîrîria gîkinyîrîrîtie gîkiuga atî Jesû ambwe, na mûthiiarî kugîrîria kwao gûkîvootana.

Luka 23:23 ပူးပေါင်းရင်းမြစ်များ

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Maariko 14:31

Nake Petero nîwaregire na vinya mûno na akîîra Jesû atîrî, “Nie ndingîgûkaana, wana angîthîrwa nîkwa ngûraganîrua vamwe nawe.” Nao arutwa acio engî onthe nîmaaugire wa guo.

Luka 23:22

Wa rîngî Pilato nîwamaarîrie rita rîa kathatû na akîmaûria atîrî, “Mûndû ûyû ekîte wîvia ûrîkû? Nie ndirona ekîte îvîtia wana rîmwe rîngîtûma atuîrwe kûûragwa. Kwoguo nîmûrivithia ivoko na njoke nîmûrekie.”

Luka 23:24

Kwoguo Pilato nîwacokire agîtua ciira akiuga mavingîrue ûrîa meendaga.

Luka 23:5

Nwatî nîmaakinyîrîrie ûvoro ûcio mûno makiugaga atîrî, “Mûndû ûyû akîthomithia nîaraunjuga andû a vûrûri wonthe wa Judea. Ke aambîrîrie vûrûrirî wa Galili na rîu arî gûkû gwetû.”