Luka 22:52 - ÎVUKU RÎA ÛVORO MWARO

⁵² Jesû nîwacokire akîîra anene a athînjîri-Ngai, arangîri a hekarû na atongoria a mavoero arîa maathiîte kûmûnyita atîrî, “Nîkwa nîrî mûtoi nîguo mûke kûnyita mûkuuîte mviû na njokoma?

Luka 22:52 ပူးပေါင်းရင်းမြစ်များ

2Atha 11:15

Mûthînjîri-Ngai Jehoiada ndeendaga Athalia aûragîrwe hekarûrî. Kwoguo nîwathire anene a athigari atîrî, “Mûruteni nja na mûmwige gatagatî ka mîvari ya athigari na mûrage mûndû wa wonthe ûkûgeria kûmûvonokia.”

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

Luka 22:37

Nîûndû nîramwîra atî Mandîko Matheru marîa maugîte atîrî, ‘Nîwatuîrîrwe ûndû ûmwe na imaramari,’ nwa nginya mavingue; nîûndû maûndû marîa mandîkîtwe îgûrû rîakwa nî vîndî maravinga.”

Luka 22:4

Kwoguo Judasi nîwathiîre kûrî anene a athînjîri-Ngai, wa vamwe na anene a athigari arîa marangagîra hekarû nîguo marîkanîre ûrîa agûcukanîrîra Jesû kûrî o.

Luka 22:51

Nwatî Jesû nîwaugire atîrî, “Tigani gwîka ûguo!” Nake nîwacokire akîvutia gûtû kwa ngombo îo na akîmîvonia.

Luka 22:53

Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.