Luka 22:45 - ÎVUKU RÎA ÛVORO MWARO

⁴⁵ Rîrîa Jesû aarîkirie kûvoya, nîwacokire varîa aatigîte arutwa ake na akîmethîrîria mamamîte na maûrîtwe nî vinya nîûndû wa kîeva.

Luka 22:45 ပူးပေါင်းရင်းမြစ်များ

Mathaayo 26:40

Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe?

Mathaayo 26:43

Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.

Maariko 14:37

Rîrîa aacokire varîa arutwa acio athatû maarî nîwamethîrîrie marî toro na akîûria Petero atîrî, “Simoni, nîkwa ûrî toro? Ndûngîvotire gwîkara wanarî îthaa rîmwe ûtarî toro?

Luka 22:44

Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Luka 22:46

Nake nîwamaûririe atîrî, “Nîndûî gîtûmîte mûmame? Ûkîrani mûvoe nîguo mûtikagwe mageriorî.”