Luka 22:31 - ÎVUKU RÎA ÛVORO MWARO

³¹ Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

Luka 22:31 ပူးပေါင်းရင်းမြစ်များ

Isaia 28:28

Rîrîa mûndû akûvûra ngano ndaivûûraga igatutumûka, rîrîa igûkinyangwa na gîkaari Kîam mbarathi, nîaimenyagîrîra itigatutumûke.

Amosi 9:9

“Nîûndû nîngaathana na mvûnge andû a Isiraeli mavûrûrirî marîa mengî, ta ûrîa mûndû avûngaga ngano na gîcungi, na nîngaaruta kîndû kîonthe gîcûku.

Zakaria 3:1

Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Mathaayo 26:30

Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Luka 10:41

Nwatî Mwathani nîwamûcokerie atîrî, “Maritha! Maritha! We nîûramakua na ûkathînua nî maûndû meengî mûno,

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Akor 2:11

Nie nekire ûguo nîguo Caitani ndagatûvoote nîûndû nîtwîcî mîvango yake nî îrîkû.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî