Luka 21:35 - ÎVUKU RÎA ÛVORO MWARO

³⁵ wata ûrîa mbîa îthagîrîrua nî mûtego îtevarîrîtie. Nîûndû mûthenya ûcio ûgaaûka kûrî andû onthe arîa matûûraga gûkû nthî.

Luka 21:35 ပူးပေါင်းရင်းမြစ်များ

Kîam 7:4

Mîthenya mûgwanja kuuma rîu nîngurithia mbura gûkû nthî matukû mîrongo îna mûthenya na ûtukû. Ngeeka ûguo nîguo nthirie ciûmbe cionthe irîa naûmbire irî mwoyo.”

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Luka 17:37

Nao arutwa nîmaaûririe Jesû atîrî, “Mwathani, maûndû mama magaatuîkîkîra kû?” Nake nîwamacokerie atîrî, “Vandû varîa kimba kîrî nîvo nderi itûnganaga.”

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”