Luka 21:12 - ÎVUKU RÎA ÛVORO MWARO

¹² Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Luka 21:12 ပူးပေါင်းရင်းမြစ်များ

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Mathaayo 24:8

Maûndû mama monthe nîta Kîammbîrîria Kîam ûrûrû ûrîa mûndûmûka egucaga akîgîa na mwana.

Luka 21:11

Kûndû kwîngî nîgûkaagîa na ithingithia inene, yûra, na mîrimû na kûgîe na maûndû ma kûmakania na ma kûgegania kuuma îgûrû.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Ciîko 22:30

Mûnene ûcio wa mbûtû ya athigari nîwendaga kûmenya na ma kîrîa gîatûmîte Ayahudi mathitange Paûlo. Kwoguo mûthenya ûcio warûmîrîrîte, mûnene ûcio nîwathanire akiuga anene a athînjîri-Ngai na Kîamma Kîam Ayahudi kîonthe gîcemanie. Nake nîwaugire Paûlo ovorwe mînyororo na avirwe mbere ya Kîamma.

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

1Pet 2:13

Nîûndû wa Mwathani, athîkagîrani andû onthe arîa marî wathanirî. Athîkagîrani wathani wa mûthamaki ûrîa mûnene wa Roma.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.