Luka 20:47 - ÎVUKU RÎA ÛVORO MWARO

⁴⁷ Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Luka 20:47 ပူးပေါင်းရင်းမြစ်များ

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 2:8

Nwatî mue mûtharîkagîra andû akwa ta nthû; nîmûcunaga andû arîa endi thayû nguo ciao, arîa macokaga kuuma mbaararî magîciiragia atî mûciî marî na thayû.

Mika 3:2

Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:14

Na kaî mue arimû a Watho na Afarisai mûrî na thîna-î! Mvinga ino! Mue mûveenagîrîria aka a ndigwa na mûkamacuna indo ciao cionthe, na mûgacoka mûkavoya mavoya maraca nîguo mwonwe nî andû. Nîûndû wa ûguo, mue nîmûgaatuîrwa îvera rînene.]

Maariko 12:40

Aya nwao mathithûkagîra aka a ndigwa mîciîrî yao, makamacuna indo ciao cionthe, na makeyonania ûrîa marî aro na njîra ya kûracavia mavoya. Nao nîmagaatuîrwa îvera rînene.”

Luka 12:1

Vîndî wa îo, rîrîa andû ngiri nyîngî maagomanîte nginya makambîrîria gûkinyangana magûrû, Jesû nîwambire kwarîria arutwa ake akîmeera atîrî, “Îîmenyagîrîreni kuumana na ûvinga wa Afarisai ûrîa wîkariî ta ndawa ya kwimbia mîgate.

Luka 20:46

“Îîmenyerereni kuumana na arimû a Watho arîa mendete kûrûra mekîrîte kanjû ndaca, na mendete gûkethua na gîtîîo kîîngî mûno marî thokorî; na methuuragîra itî cia mbere mavoerorî na makethuurîra vandû varîa varo mûno marugarî.

Luka 21:1

Jesû nîwaroririe na akîona itonga ikîrekia mûvothi wacio kathandûkûrî ka mûvothi.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Jakuvu 3:1

Ariû na aarî a îthe, tî eengî gatagatîrî kenyu magîrîrwe nîgûtuîka arimû, nîûndû nîmwîcî atî arîa tûthomithagia nîtûgaatuîrwa na vinya makîria ya arîa engî.