Luka 20:35 - ÎVUKU RÎA ÛVORO MWARO

³⁵ nwatî andû arîa makoonwa marî agîrîru a kûriûka kuuma kûrî akuû, matikaavikania wana kana mavikue.

Luka 20:35 ပူးပေါင်းရင်းမြစ်များ

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 22:29

Nake Jesû nîwamacokerie atîrî, “Na kaî mûrî avîtiu-î! Na gîtûmi nî atî mûtiîcî mandîko matheru kana vinya wa Ngai.

Maariko 10:42

Kwoguo Jesû nîwametire onthe vamwe na akîmeera atîrî, “Mue nîmûramenya atî andû arîa magîrîrwe nî gûtongoria andû a ndûrîrî nîmenenevagia,

Maariko 12:24

Nake Jesû nîwamacokerie atîrî, “Na kaî mûrî aritu-î! Na gîtûmi nî atî mûtiîcî mandîko kana vinya wa Ngai.

Luka 16:8

“Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Johana 5:29

na maume mbîrîrarî ciao. Andû arîa mekîte waro nîmakaariûkua na magîe na mwoyo wa tene na tene, nwatî arîa mekîte naaî nîmakaariûkua na matuîrwe.

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.

Ahib 11:35

Nîûndû wa wîtîkio aka nîmaamûkîre andû ao arîa maakuîte magîcoka kûriûkua. Engî nao nîmaaûragirwe na njîra ya kûnyarirwa nîûndû nîmaaregire marekererue. Nwatî meekire ûguo nîguo makariûkua magîe na ûtûûro mwaro.

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.