Luka 20:16 - ÎVUKU RÎA ÛVORO MWARO

¹⁶ Agaaûka aûrage arîmi acio na anenganîre mûgûnda ûcio kûrî arîmi engî.” Na rîrîa andû meegwire ûguo nîmeeranire atîrî, “Ngai! Ûndû ûyû ûrorega gûtuîkîka!”

Luka 20:16 ပူးပေါင်းရင်းမြစ်များ

Mathaayo 21:34

Na rîrîa kavinda ga gûketha thavibu gaakinyire, mûndû ûcio nîwatûmire ngombo ciake kûrî arîmi acio, nîguo imûgîrîre îgai rîake rîa maketha.

Mathaayo 21:41

Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Maariko 12:9

“Mûreciria mwene mûgûnda ûcio agaacoka eke arîmi acio atîa? Agaaûka amaûrage, na akomborithie arîmi engî mûgûnda ûcio.

Luka 19:27

Nacio nthû ciakwa irîa iteendaga nduîke mûthamaki wacio, ireteni ava mbere yakwa na mûciûrage ngîonaga!’ ”

Luka 20:15

Kwoguo nîmaamûrutûrûrire na nja ya mûgûnda ûcio na makîmûûraga.” Nake Jesû nîwaûririe atîrî, “Angwa mwene mûgûnda ûcio agaacoka ameke atîa?

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Aroma 11:1

Kwoguo nîraûria atîrî: Nîkwa Ngai aaregire andû ake? Naarî! Nîûndû nie mwene nîrî Mûisiraeli wa rûciaro rwa Iburahimu na wa mûvîrîga wa Benjamini.

Aroma 11:11

Kwoguo nîraûria atîrî, rîrîa Ayahudi maavîngirwe-î, nîmaagwîre? Naarî! Nwatî ûrîa gwîkariî nî atî nîûndû wa mevia mao ûvonokio nîwakinyîre andû a ndûrîrî. Nao maavonoka Ayahudi nîmeguire wîru.

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

Aroma 3:4

Naarî! Ngai atûûraga arî mwîvokeku wana andû onthe mangîtuîka a maveeni. Kwandîkîtwe atîrî Mandîkorî matheru, Nwanginya wonanagie kîvooto rîrîa ûkwaria na rîrîa ûgûtuîrwa ciira, nwanginya ûvootanage.

Aroma 3:6

Naarî! Ethîrwa Ngai tî wa kîvooto, angîvota atîa gûcirithia andû onthe a nthî?

Aroma 6:15

Rîu nîtuga atîa? Nî twîvagie atî nîûndû tûtirî rungu rwa watho nwatî tûrî rungu rwa wega wa Ngai? Naarî!

Aroma 6:2

Naarî! Tue twakwire ûvororî wa mevia kûngîvoteka atîa tûthiî na mbere na kwîvia?

Aroma 7:13

Ûguo nî kuga atî ûndû mwaro wandetere gîkuû? Naarî! Nî mevia maatonyire kûrî ûndû ûrîa mwaro nîguo mandetere gîkuû. Ûndû ûyû wekîkire nîguo mevia meyonanie nama ûrîa mekariî. Kwoguo na njîra ya rîathani mevia nîmonekaga marî macûku mûno.

Aroma 7:7

Rîu-î, nîtuga atîa? Nîtuga atî watho guo mwene nî mevia? Naarî. Nwatî watho nîguo watûmire menye mevia nî ndûî. Watho ûtangîaugîte ndûkerirîrie kîndû Kîam mûndû, ndingîamenyire kwîrirîria nî ndûî.

Aroma 9:14

Rîu nîtuga atî Ngai ndatûmagîra kîvooto? Naarî.

1Akor 6:15

Mue nî mwîcî atî mîîrî yenyu nî ciîga cia mwîrî wa Kristû. Tue nwatûvote kûthengutia ciîga cia mwîrî wa Kristû tûkînaitua ciîga cia mwîrî wa mûmaraa? Ûguo gûtingîvotekeka!

Agal 2:17

Ethîrwa tue arîa tûtuîtwe athingu nî Kristû nî twonagwa tûrî evia, ûguo nî kuga Kristû athîkagîra mevia? Naarî ûguo tîguo!

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.