Luka 20:14 - ÎVUKU RÎA ÛVORO MWARO

¹⁴ Nwatî vîndî îrîa arîmi acio moonire mûriû, nîmaagîre ndundu na makîrana atîrî, ‘Ûyû nîke ûkaagaîrwa mûgûnda ûyû. Tigani tûmûrage nîguo îgai rîake rîgaatuîka rîetû!’

Luka 20:14 ပူးပေါင်းရင်းမြစ်များ

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 89:27

Nîngaatûma atuîke mwana wakwa wa îrikithathi, mûthamaki mûnene gûkîra athamaki onthe a nthî.

Mathaayo 16:7

Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”

Mathaayo 21:25

Tambîrani atîrî, Johana aavatithanagia na wathani ûrîkû, warî wa kuuma kûrî Ngai kana warî wa kuuma kûrî andû?” Nao nîmaambîrîrie gûkararania o ene makîûranagia atîrî: “Nîtuga atîa? Wona twamûcokeria, ‘Warî wa kuuma kûrî Ngai,’ Nîatûûria atîrî, ‘Mwaregire gwîtîkia Johana nîkî vi?’

Mathaayo 21:34

Na rîrîa kavinda ga gûketha thavibu gaakinyire, mûndû ûcio nîwatûmire ngombo ciake kûrî arîmi acio, nîguo imûgîrîre îgai rîake rîa maketha.

Luka 19:47

Wa mûthenya Jesû nîwathomithanagîria hekarûrî. Nao anene a athînjîri-Ngai, arimû a Watho wa vamwe na atongoria a andû nîmeendaga kûmûraga.

Luka 20:13

Nake mwene mûgûnda nîweyûririe atîrî, ‘Rîu nîmbîka atîa? Nîmatûmîra mûriû wakwa ûrîa mendete na nîrî na ma nîmakûmûva gîtîîo!’

Luka 20:15

Kwoguo nîmaamûrutûrûrire na nja ya mûgûnda ûcio na makîmûûraga.” Nake Jesû nîwaûririe atîrî, “Angwa mwene mûgûnda ûcio agaacoka ameke atîa?

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 20:5

Nao nîmaambîrîrie kûrania atîrî, “Nîtuga atîa? Wona twauga, ‘Johana aatûmirwe nî Ngai,’ ke nîagûtûûria, ‘Mwaregire gwîtîkia Johana nîkî?’

Luka 22:2

Nao anene a athînjîri-Ngai, arimû a Watho, nîmaatuîragia ûrîa mangîûragithia Jesû na nthitho, nîûndû nîmeetigagîra andû.

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.