Luka 2:40 - ÎVUKU RÎA ÛVORO MWARO

⁴⁰ Nake mwana ûcio nîwakûrire na akîgîa na vinya; na nîwecûrîtwe nî ûûgî na wega wa Ngai warî îgûrû rîake.

Luka 2:40 ပူးပေါင်းရင်းမြစ်များ

Thaburi 22:9

We Ngai nîwe wandutire îvurî rîa nyanya, na rîrîa naarî gakenge nîwamenyerere.

Thaburi 45:2

We wî mûthaka gûkîra arûme onthe, ciugo ciaku ciîcûrîte wega wa Ngai. Kwoguo Ngai nîakûrathimîte tene na tene.

Luka 1:80

Nake mwana ûcio nîwakûrire na roho wake ûkîgîa na vinya. Eekarire werûrî nginya mûthenya ûrîa eyonanithirie kûrî andû a Isiraeli.

Luka 2:47

Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Ciîko 4:33

Nao atûmwa nîmaarutaga ûira wa kûriûka kwa Mwathani Jesû marî na vinya nyîngî. Nake Ngai nîwamavecaga onthe irathimo nyîngî.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Atir 13:24

Mûndûmûka ûcio nîwaciarire kavîcî agîgatuîra rîîtwa Samusoni. Kavîcî kau nîgaakûrire na Ngai-Mûnene nîwakarathimire.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:21

Nake Ngai-Mûnene nîwarathimire Hana na anake engî athatû na erîtu aîrî. Nake Samueli nîwakûrire agîtungatagîra Ngai-Mûnene.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.

1Sam 3:19

Nake Samueli nîwakûrire arî ûrûmwe na Ngai-Mûnene; nake Ngai-Mûnene agîtûma maûndû monthe marîa Samueli aarîtie mavinge.