Luka 2:4 - ÎVUKU RÎA ÛVORO MWARO

⁴ Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Luka 2:4 ပူးပေါင်းရင်းမြစ်များ

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Kîam 48:7

Nîreka ûguo nîûndû vîndî îrîa naacokaga nyumîte Padani (Mesopotamia), Rakeli nîwakuîrîre vûrûrirî wa Kanaani vakuvî na Efiratha, na nîkîo nîrî na kîeva kîngî ûguo. Nînaamûthikire mûkîrarî wa njîra ya kûthiî Efiratha (na nîyo Bethilehemu.)”

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Luka 2:3

Kwoguo andû onthe nîmaathiîre kwîyandîkithia wa mûndû akîthiî îtûûrarî rîa rîake.

Luka 2:5

Kwoguo nîwathiîre kuo kwîyandîkithia marî na Mariamu, mwîrîtu ûrîa eerîrîte atî nîakûmûvikia. Vîndî îo Mariamu aarî îvu.

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Johana 1:46

Nake Nathanieli nîwaûririe Filipu atîrî, “Kûrî kîndû Kîamro kîngiuma îtûûrarî rîa Nazarethi?” Nake Filipu nîwamûcokerie atîrî, “Ûka ûkone.”

Johana 7:42

Na kinthî mandîko matheru matiugîte atî Mesaya akeethîrwa arî wa mbarî ya Mûthamaki Daudi, na atî ke agaaciarîrwa îtûûrarî rîa Bethilehemu kûrîa Daudi aatûûraga?”

Ruthu 1:19

Kwoguo nîmaathiîre oîrî nginya magîkinya Bethilehemu. Rîrîa maakinyire kuo, andû onthe a îtûûra rîu nîmaamakire mûno, nao aka makîambîrîria kûrania atîrî, “Na kinthî ûyû nî Naomi?”

Ruthu 2:4

Vuvarî Boazu nîwakinyire aumîte Bethilehemu. Nîwakethirie aruti wîra acio atîrî, “Ngai-Mûnene aroîkara namue!” Nao nîmaamûcokerie atîrî, “Ngai-Mûnene arokûrathima!”

Ruthu 4:11

Nao andû acio onthe maarî vau kîvingorî vamwe na athuuri nîmaaugire atîrî, “Tue tûrî aira. Ngai-Mûnene arotûma mûndûmûka ûcio ûgûûka gwaku mûciî atuîke ta Rakeli, wana ta Lea, arîa maaciarîre Jakovu ciana nyîngî. Nawe ûrothatûkwa ûrî mûvîrîgarî wa Efiratha na ûgîe îgweta kûu Bethilehemu.

Ruthu 4:17

Aka arîa maatûûranîrîte nao nîmaatuîrîre kaana kau rîîtwa magîgeta Obedi. Nîmaacokire makîra andû onthe atîrî, “Naomi nîaciarîrîtwe kavîcî!” Obedi nîke warî îthe wa Jesse, nake Jesse nîke warî îthe wa Daudi.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.

1Sam 17:58

Nake Saûlo nîwaûririe Daudi atîrî, “Mwanake ûyû, aguo nû?” Nake Daudi nîwamûcokerie atîrî, “Nie nîrî mûvîcî wa ndungata yaku Jesii ya kuuma Jerusalemu.”

1Sam 20:6

Aguo angîkaandura na aûrie kûrîa nîrî ûkaamwîra atî nînîrakûvoire rûtha nîguo nthiî mûciî Bethilehemu nîûndû kûrî na kîgongoona kîrîa kîrutagwa wa mwaka nî andû onthe a mûciî wetû.