Luka 2:37 - ÎVUKU RÎA ÛVORO MWARO

³⁷ Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Luka 2:37 ပူးပေါင်းရင်းမြစ်များ

Thaburi 22:2

Ûûi, Ngai wakwa, ngûkayagîra mûthenya nwatî ndûmbîtîkaga, ngûkayagîra ûtukû nwatî ndivurûkaga.

Thaburi 23:6

Na ma wega waku na wendo ûtathiraga nîitûûra nanie, ûtûûrorî wakwa wonthe, na nîndûûra nyombarî yaku tene na tene.

Thaburi 27:4

Mvoete Ngai-Mûnene ûndû ûmwe, na nîguo nîracaria: gûtûûra nyombarî yake ûtûûro wakwa wonthe, ngîonaga wega wa Ngai-Mûnene, na ngîcaragia wendi wake hekarûrî yake.

Thaburi 84:10

Gûtinda hekarûrî yaku mûthenya ûmwe, nîwaro gûkîra gûtinda kûndû kwîngî mîthenya ngiri. Nîkava kûrûngama mûromorî wa hekarû ya Ngai wakwa, gûkîra gûtûûra nyombarî cia andû arîa aganu.

Thaburi 84:4

Kûrathimwa nî arîa matûûraga hekarûrî yaku, vîndî cionthe makinaga nyîmbo cia gûgûkumia.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Ntha 38:8

Bezaleli nîwarûthire kîraî na vandû va gûkigîrîra. Cionthe ciarûthirwe na gîcango îrîa yarî ya aka arîa maatungataga mûromorî wa îgema rîa Ngai-Mûnene.

Luka 5:33

Andû amwe nîmeerire Jesû atîrî, “Arutwa a Johana nîmenyerekagia keengî na makavoya, wana nginya arutwa a Afarisai nîmekaga wa guo, nwatî arutwa aku nîmarîcaga na makanyua?”

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 7:15

Kîu nîkîo gîtûmaga marûngame vau mbere ya gîtî Kîam Ûthamaki Kîam Ngai na mamûtungatîre ûtukû na mûthenya marî hekarûrî yake. Nake ûcio wîkarîrîte gîtî Kîam ûthamaki akaamagitagîra nîûndû akethagîrwa arî vamwe nao.

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.