Luka 2:11 - ÎVUKU RÎA ÛVORO MWARO

¹¹ nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Luka 2:11 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Mathaayo 1:16

Jakovu aarî îthe wa Josefu ûrîa warî mûthuuri wa Mariamu; Mariamu ûrîa waciarire Jesû ûrîa wîtagwa Mesaya.

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 16:20

Nake Jesû nîwacokire agîkaania arutwa ake matikeere mûndû wana ûrîkû atî ke nîke Mesaya.

Luka 1:43

Ûndû ûyû mûnene ûguo wekîka kûrî nie nîkî, atî ng'ina wa Mwathani wakwa aûke gwakwa kûngethia?

Luka 1:69

Nîatûvete mûvonokia ûrî na vinya, ke nî njiarwa ya Daudi ndungata yake.

Luka 2:26

Roho ûcio nîwamûmenyithîtie atî ke ndagaakua atonete Mesaya ûrîa weranîrîtwe nî Mwathani.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Johana 1:41

Ûndû wa mbere ûrîa Enderea eekire warî kûthiî kûrî mûrwang'ina Simoni na akîmwîra atîrî, “Tue nîtûronire Mesaya.” (Ûguo nîkuga Kristû)

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 11:27

Maritha nîwaugire atîrî, “Ii Mwathani! Nie nîmbîtîkîtie atî we nîwe Mesaya Mûriû wa Ngai ûrîa warî aûke gûkû nthî.”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 4:25

Nake mûndûmûka ûcio nîwerire Jesû atîrî, “Nie nîmbîcî atî Mesaya nîagaaûka, na vîndî îrîa agaaûka agaatwîra maûndû monthe.”

Johana 4:42

Nao nîmeerire mûndûmûka ûcio atîrî, “Rîu tue nîtwetîkia, tî nîûndû atî nîûtûrutîre ûira, nwatî nîûndû tue ene nîtweîguîra na matû metû na twamenya atî Jesû nîke Mûvonokia wa andû onthe a nthî.”

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Johana 7:41

Nao andû amwe nîmaaugire atîrî, “Ke nîke Mesaya!” Nwatî andû engî nîmaaugire atîrî, “Anga Mesaya akaauma îtûûrarî rîa Galili?

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 13:23

Kwoguo Ngai nîatuîte Jesû ûrîa wa mbarî ya Daudi Mûvonokia wa andû wa Isiraeli wata ûrîa ke eeranîrîte.

Ciîko 17:3

Nîwamataarîrie mandîko na kuuma kûrî mo akîmonia na ma atî nîkwarî na wagîrîru wa Mesaya athînue na acoke ariûke. Nake Paûlo nîwamerire atîrî, “Jesû ûcio nie nîramwîra ûvoro wake, nîke Mesaya.”

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

1Akor 15:47

Mûndû wa mbere, na nîke Adamu, aaumire rûkûngûrî rwa nthî, nwatî mûndû wa kaîrî aaumire îgûrû.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.