Luka 19:5 - ÎVUKU RÎA ÛVORO MWARO

⁵ Na vîndî îrîa Jesû aakinyire rungu rwa mûtî ûcio, nîwaroririe îgûrû na akîîra Zakayo atîrî, “Zakayo, varûrûka narua ume mûtî îgûrû, nîûndû ûmûnthî nîngûtuîka mûgeni waku.”

Luka 19:5 ပူးပေါင်းရင်းမြစ်များ

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Ezek 16:6

“Rîrîa naavîtûkîrîre vakuvî nawe nînoonire ûkîgaragara nthakamerî yaku na ngiuga ûtûûre mwoyo.

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Luka 19:2

Kwarî na mûnene ûmwe wa etia a mbeca cia gooti wetagwa Zakayo. Nake Zakayo aarî mûtongu mûno.

Luka 19:4

Kwoguo Zakayo nîwavinyûrire mbere ya andû na agîtwa mûkûyû îgûrû nîguo avote kwona Jesû ûrîa wavîtûkîrîre njîrarî îo.

Luka 19:6

Nake Zakayo nîwaumire mûtîrî îgûrû narua na akîgwata Jesû ûgeni akenete mûno.

Johana 1:48

Nake Nathanieli nîwamûririe atîrî, “We ûmbîcî atîa?” Nake Jesû nîwamûcokerie atîrî, “Nie nîngwonire rîrîa ûrekarîte kîrururî Kîam mûkûyû mbere ya Filipu agwîte.”

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Ahib 13:2

Ririkanagani kûgwata andû ûgeni kwenyu mîciî. Andû amwe nîmaagwatire araika ûgeni matakûmenya.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.