Luka 19:47 - ÎVUKU RÎA ÛVORO MWARO

⁴⁷ Wa mûthenya Jesû nîwathomithanagîria hekarûrî. Nao anene a athînjîri-Ngai, arimû a Watho wa vamwe na atongoria a andû nîmeendaga kûmûraga.

Luka 19:47 ပူးပေါင်းရင်းမြစ်များ

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Maariko 14:1

Mîthenya îîrî mbere ya kîrugo Kîam pasaka vamwe na kîrugo Kîam mîgate îrîa îtethagîrwa îkîrîtwe ndawa ya kwimbia, anene a athînjîri-Ngai, na arimû a Watho nîmaambîrîrie gûtuîria ûrîa mangînyita Jesû na nthitho nîguo mamûûrage.

Maariko 14:49

Nîrekaraga ngîmûthomithagia hekarûrî mûthenya wa mûthenya mûtakûnyita. Nwatî maûndû mama mekîka nîguo Mandîko Matheru mavingue.”

Luka 19:48

Nwatî matingîavotire gwîka guo nîûndû andû onthe mekaraga mamûthikîrîrîtie matakwenda kûvîtûkwa nî kiugo gîake wana kîmwe.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Johana 10:39

Na wa rîngî Ayahudi nîmaageririe kûnyita Jesû nwatî ke nîwaûrire.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 7:19

Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 7:44

Andû amwe nîmeendaga kûmûnyita, nwatî gûtirî wana ûmwe wamûvûrûririe.