Luka 19:46 - ÎVUKU RÎA ÛVORO MWARO

⁴⁶ akîmeeraga atîrî, “Ngai augîte Mandîkorî matheru atî, ‘hekarû yakwa nî nyomba ya kûvoyagîrwa,’ nwatî mue mûmîtuîte ngurunga ya acunani!”

Luka 19:46 ပူးပေါင်းရင်းမြစ်များ

Thaburi 93:5

We Ngai-Mûnene, mawatho maku matûûraga tene na tene, Hekarû yaku îtûûraga îrî ntheru tene na tene.

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Jeremia 7:11

Nîkwa hekarû îno îtanîtue na rîîtwa rîakwa, îrî ngurunga ya acunani? Menyani atî nîmenyete ciîko cienyu cionthe.

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Hosea 12:7

Andû a Efiraumu mekariî ta avûri a mbiacara a maveeni arîa matûmagîra ithimo cia maveeni na mendete gûkinyîrîria andû.

Mathaayo 21:13

Nake nîwamerire atîrî, “Ngai augîte Mandîkorî make matheru atîrî, ‘Nyomba yakwa îgeetagwa nyomba ya kûvoyagîrwa.’ Nwatî mue mûmîtuîte ngurunga ya acunani!”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Maariko 11:17

Nîwacokire akîthomithia andû atîrî, “Ngai augîte mandîkorî atî, ‘hekarû yakwa îgetagwa nyomba ya kûvoyagîrwa nî andû a ndûrîrî cionthe.’ Nwatî mue mûmîtuîte ngurunga ya acunani.”