Luka 19:42 - ÎVUKU RÎA ÛVORO MWARO

⁴² akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Luka 19:42 ပူးပေါင်းရင်းမြစ်များ

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Luka 19:41

Rîrîa Jesû aakuvîrîrie îtûûra rîa Jerusalemu na akîrîona, nîwarîrire nîûndû warîo

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Ahib 3:15

Nîûndû Mandîko Matheru maugîte atîrî: “Ûmûnthî mûngîgua mûgambo wa Ngai, mûtikaaûmie ngoro cienyu, ta ûrîa methe menyu meekire rîrîa maareganire na Ngai.”

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,