Luka 19:37 - ÎVUKU RÎA ÛVORO MWARO

³⁷ Rîrîa Jesû aarî mwîkûrûkorî wa kîrîma Kîam Mîtî ya Mîtamaiyû vakuvî na îtûûra rîa Jerusalemu, arutwa onthe ake nîmaambîrîrie kwina makenete na kûgooca Ngai maugîrîrîtie nîûndû wa maûndû manene marîa maarîkîtie kwona.

Luka 19:37 ပူးပေါင်းရင်းမြစ်များ

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

2Maû 29:36

Mûthamaki Hezekia na andû onthe nîmaakenire nîûndû wa maûndû marîa Ngai aamavotithîtie gwîka, nîûndû maûndû mau nîmeekîkire na îvenya mûno.

Mathaayo 21:1

Rîrîa Jesû na arutwa ake maakuvîvîrie Jerusalemu, nîmaakinyire îtûûrarî rîa Bethifage kîrîmarî Kîam mîtî ya mîtamaiyû. Na marî kûu, Jesû nîwatûmire arutwa ake aîrî na akîmeera atîrî,

Maariko 13:3

Rîrîa Jesû eekarîte nthî Kîrîmarî Kîam Mîtî ya Mîtamaiyû aroretie hekarûrî, Petero, Jakuvu, Johana na Enderea, nîmaathiîre kûrî ke marî oonga na makîmwîra atîrî,

Maariko 14:26

Nao marîkia kwina rwîmbo nîmaaumire nyomba na makîthiî Kîrîmarî Kîam mîtî ya Mîtamaiyû.

Luka 18:43

Na wa rîmwe mûtumumu ûcio nîwavotire kwona na akiuma Jesû vuva agîkumagia Ngai. Na rîrîa andû onthe moonire ûguo, nîmaakumirie Ngai.

Luka 19:20

“Nayo ndungata îngî nîyakinyire na îkîmwîra atîrî, ‘Mûnene, îcukia mbeca îno yaku ya thaavu. Nie namîovire na gatambaa ngîmîthitha.

Luka 19:29

Na vîndî îrîa aakinyire kîrîmarî Kîam Mîtî ya Mîtamaiyû vakuvî na matûûra ma Bethifage na Bethania, nîwatûmire arutwa ake aîrî na akîmeera atîrî,

Luka 19:36

Na vîndî îrîa athiîte akuuîtwe nî njaû îo andû nîmaatandîkire nguo ciao njîrarî.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Johana 12:18

Ûndû ûcio nîguo watûmire kîrîndî kîmûtûnge, nîûndû nîkîegwire atî nîwaringîte Kîamma kîu.