Luka 19:21 - ÎVUKU RÎA ÛVORO MWARO

²¹ Nînaagwîtigîre nîûndû ûrî mûndû wa ngoro nyûmû. We wocaga kîndû kîrîa ûtathithinîrîte na ûgaketha kîrîa ûtavandîte.’

Luka 19:21 ပူးပေါင်းရင်းမြစ်များ

Luka 19:20

“Nayo ndungata îngî nîyakinyire na îkîmwîra atîrî, ‘Mûnene, îcukia mbeca îno yaku ya thaavu. Nie namîovire na gatambaa ngîmîthitha.

Luka 19:22

Nake mûnene ûcio nîwamîrire atîrî, ‘We ndungata îno mbaganu! Mîario îo waria na kanyua kau gaku, nwayo ngûgûtuîra nayo! Kwoguo nîwecî atî nie nîrî mûndû wa ngoro nyûmû, mûndû wocaga kîrîa atathithinîrîte na agaketha kîrîa atavandîte!

Aroma 8:15

Roho ûrîa Ngai amûveete tî wa gûtûma mûtuîke ngombo na tî wa gûtûma mwîtigîre. Vandû va ûguo Roho ûcio amûtucaga ciana cia Ngai. Roho nîke ûtûvecaga vinya wa gûkaîra Ngai tûkiugaga, “Aba! Vava.”

Aroma 8:7

Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.

2Tim 1:7

Nîûndû Roho ûrîa Ngai atûvete ndûtûmaga tûgîe na guoya, vandû va ûguo Roho wake atûmaga tûgîe na ûvoti, wendo na ûvoti wa kwînyitia maûndûrî.

Jakuvu 2:10

Mûndû ûrîa unîte rîathani rîmwe, nîatucagîrwa atî ke nî unîte maathani monthe.

1Joh 4:18

Varîa varî na wendani vatirî guoya. Wendani ûrîa mûkinyanîru nîûrutûrûraga guoya wonthe. Kwoguo mûndû ûrîa wîtigagîra ndethagîrwa arî na wendo mûkinyanîru, nîûndû guoya wîthagîrwa ûvuana na îvera.

Juda 1:15

gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.