Luka 19:18 - ÎVUKU RÎA ÛVORO MWARO

¹⁸ Nayo ndungata ya kaîrî nîyakinyire na îkîîra mûnene wayo atîrî, ‘Mûnene, monjorithîtie mbeca ithano cia thaavu kuumana na mbeca îmwe îrîa wamvere.’

Luka 19:18 ပူးပေါင်းရင်းမြစ်များ

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 25:22

“Nayo ndungata îrîa yanengeretwe mbeca ngiri igîrî nîyathiîre kûrî mwathi wayo na îkiuga atîrî, ‘Mwathi wakwa, wanengere mbeca ngiri igîrî, na rîu nîmonjorithîtie mbeca ciîngî ngiri igîrî.’

Maariko 4:20

Andû engî nao mekariî ta mbeû irîa ciagwîre mûtheturî ûrîa warî mûnoru. Aya nao nî arîa megucaga ndûmîrîri ya Ngai, makamîtîkîra na îkagîa na maciaro. Kûrî andû amwe ndûmîrîri îo nîîciaraga maita mîrongo îthatû, kûrî engî maita mîrongo îtandatû, na kûrî engî maita îgana.”

Luka 19:13

Mbere ya athiî mûndû ûcio nîwetire ndungata ciake îkûmi na akîva wa îmwe yacio mbeca ya thaavu na agîciîra atîrî, ‘Onjorithiani mbeca ino nginya rîrîa ngaacoka.’

Luka 19:17

Nake mûnene ûcio nîwamwîrire atîrî, ‘Nîwaro ndungata yakwa mbaro! We ûrî mwîvokeku na kaûndû kanini, rîu ûkaathanaga matûûrarî îkûmi.’

Luka 19:19

Nake mûnene ûcio nîwamîrire atîrî, ‘Rîu ûkaathanaga matûûrarî matano.’

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.