Luka 19:17 - ÎVUKU RÎA ÛVORO MWARO

¹⁷ Nake mûnene ûcio nîwamwîrire atîrî, ‘Nîwaro ndungata yakwa mbaro! We ûrî mwîvokeku na kaûndû kanini, rîu ûkaathanaga matûûrarî îkûmi.’

Luka 19:17 ပူးပေါင်းရင်းမြစ်များ

Kîam 39:4

Kwoguo Potifa nîwakenirue nî Josefu na akîmûtua ndungata yake ke mwene, na mûrûngamîrîri wa indo ciake cionthe.

Nthi 27:18

Mûndû ûrîa ûmenyagîrîra mûtî wa mûkûyû nîarîcaga matunda ma guo, nake mûndû ûrîa ûgitagîra mwathi wake nîakaavewa gîtîîo.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Luka 16:10

Mûndû wa wonthe mwîvokeku na tûindo tûnini, nîakethîrwa arî na indo nyîngî. Nake mûndû ûrîa ûtarî mwîvokeku na tûindo tûnini, ethagîrwa atarî mwîvokeku na indo nyîngî.

Luka 19:16

Nayo ndungata ya mbere nîyakinyire na îkîmwîra atîrî, ‘Mûnene, monjorithîtie mbeca îkûmi cia thaavu, kuumana na mbeca îmwe îrîa wamvere.’

Luka 19:18

Nayo ndungata ya kaîrî nîyakinyire na îkîîra mûnene wayo atîrî, ‘Mûnene, monjorithîtie mbeca ithano cia thaavu kuumana na mbeca îmwe îrîa wamvere.’

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Aroma 2:29

Mûyahudi wa ma nî ûrîa Mûyahudi ndaarî, nakuo kûrua kwa ma nî kûrua ngoro na njîra ya Roho na tî na njîra ya watho ûrîa mwandîke. Mûndû ta ûcio nîakumagua nî Ngai nwatî tî andû.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.