Luka 18:43 - ÎVUKU RÎA ÛVORO MWARO

⁴³ Na wa rîmwe mûtumumu ûcio nîwavotire kwona na akiuma Jesû vuva agîkumagia Ngai. Na rîrîa andû onthe moonire ûguo, nîmaakumirie Ngai.

Luka 18:43 ပူးပေါင်းရင်းမြစ်များ

Thaburi 107:15

Nîmakumie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 107:8

Nîmacokerie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 146:8

na nîavingûraga ndumumu metho. Nîaûkagîrîria arîa avinyîrîrie, na nîendete arîa athingu.

Thaburi 30:2

Nînaakûrîrîre we Ngai-Mûnene, Ngai wakwa nîguo ûndethie, na nîwamvonirie.

Isaia 35:5

Itumumu nîikaavota kwona, na itaigua nîikaavota kwîgua.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 43:21

Acio nî andû arîa naûmbire marî akwa nie mwene, nîguo managîrîre ngumo yakwa!

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 21:14

Nao andû arîa maarî atumumu na cionje nîmaathiîre kûrî Jesû hekarûrî, na akîmavonia.

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Luka 13:17

Rîrîa Jesû aaugire ûguo, nthû cionthe ciake nîciaconokire. Nao andû acio engî onthe nîmaakenire nîûndû wa ciîko cia magegania irîa ke eekire.

Luka 19:37

Rîrîa Jesû aarî mwîkûrûkorî wa kîrîma Kîam Mîtî ya Mîtamaiyû vakuvî na îtûûra rîa Jerusalemu, arutwa onthe ake nîmaambîrîrie kwina makenete na kûgooca Ngai maugîrîrîtie nîûndû wa maûndû manene marîa maarîkîtie kwona.

Luka 4:39

Jesû nîwakuvîvîrie mûndûmûka ûcio, na aamûroria, akîatha mûrimû ûcio ume kûrî ke, na ûkiuma. Nake mûndûmûka ûcio nîwaûkîrire wa rîmwe na akîambîrîria kûmatungatîra.

Luka 5:26

Nao andû onthe nîmaamakire mûno, makîgua guoya na makîambîrîria gûkumia Ngai makiugaga atîrî, “Na kaî ûmûnthî ûyû nîtwona maûndû ma magegania-î!”

Luka 9:43

Nao andû onthe nîmaamakire nîûndû wa ûvoti mûnene wa Ngai. Vîndî îrîa andû onthe maamakîte nîûndû wa maûndû monthe marîa Jesû eekaga, nîwerire arutwa ake atîrî,

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Agal 1:24

Kwoguo nîmaakumirie Ngai nîûndû wakwa.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.