Luka 18:38 - ÎVUKU RÎA ÛVORO MWARO

³⁸ Nake mûtumumu ûcio nîwaugîrîrie atîrî, “Jesû! Mûrû wa Daudi! Mbîguîra ntha!”

Luka 18:38 ပူးပေါင်းရင်းမြစ်များ

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Mathaayo 12:23

Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”

Mathaayo 15:22

Na mûndûmûka Mûkanaani ûrîa watûûraga kûu gîcunjîrî kîu nîwathiîre kûrî ke na akiugîrîria atîrî, “Mwathani, Mûrû wa Daudi, mbîguîra ntha! Mwîrîtu wakwa nî mûnyite nî ngoma na nîmûcûkîre mûno.”

Mathaayo 21:15

Nwatî anene a athînjîri-Ngai na arimû a Watho nîmaarakarire moona maûndû manene marîa Jesû eekaga. Nîmaarakarire megua ciana ikiugîrîria irî hekarûrî atîrî, “Hosana Mûrû wa Daudi!”

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Mathaayo 9:27

Nake Jesû nîwaumire kûu. Na arî njîrarî athiîte, nîwaumirwe vuva nî atumumu aîrî. Atumumu acio nîmaaugîrîrie atîrî, “Twîguîre ntha, Mûrû wa Daudi!”

Luka 18:37

Nao andû nîmaamûcokerie atîrî, “Nî Jesû wa Nazarethi ûvîtûkîte.”

Luka 18:39

Nao andû arîa maarî mbere ya Jesû nîmaakaanirie mûtumumu ûcio na makîmwîra akire. Nwatî mûtumumu ûcio nîwaugîrîrie mûno akiugaga atîrî, “Mûrû wa Daudi! Mbîguîra ntha!”

Aroma 1:3

Ûvoro ûcio wîthagîrwa wîgiî Mûriû wa Ngai, Jesû Kristû Mwathani wetû. Na njîra ya kîîmwîrî aarî wa mbarî ya Daudi.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”