Luka 18:37 - ÎVUKU RÎA ÛVORO MWARO

³⁷ Nao andû nîmaamûcokerie atîrî, “Nî Jesû wa Nazarethi ûvîtûkîte.”

Luka 18:37 ပူးပေါင်းရင်းမြစ်များ

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Luka 18:36

Rîrîa mûndû ûcio eegwire înegene rîa andû mavîtûkîte, nîwaûririe atîrî, “Nîndûî kîrathiî na mbere?”

Luka 18:38

Nake mûtumumu ûcio nîwaugîrîrie atîrî, “Jesû! Mûrû wa Daudi! Mbîguîra ntha!”

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

2Akor 6:2

Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!