Luka 18:32 - ÎVUKU RÎA ÛVORO MWARO

³² Mûrû wa Mûndû nîakaanenganîrwa kûrî andû a ndûrîrî. Nao nîmakaamûnyûrûria, mamwîke maûndû ma ûûra nthoni na mamûtuîre mata.

Luka 18:32 ပူးပေါင်းရင်းမြစ်များ

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Isaia 52:14

Wata ûrîa andû eengî maamakire rîrîa maamîonire, nîûndû ûthiû wayo warî mûcûkangie mûno na ndîekariî ta mûndû, na mûvuano wake ndwavuana ta wa mûndû;

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Maariko 14:65

Nao andû amwe gatagatîrî kao nîmaambîrîrie gûtuîra Jesû mata, makîmûkunîka metho, na makîmûriva na mvî makîmwîraga atîrî, “Tecirîrie nî ûrîkû wakûringa.” Arangîri wa nao nîmaamûrivire.

Maariko 15:1

Kîraûko tene anene a athînjîri-Ngai nîmaagîre ndundu na athuuri, arimû a Watho, Kîamma kîonthe na makîrîkanîra ûrîa magwîka. Nao nîmoovire Jesû na makîmûvira kûrî Pilato.

Luka 18:33

Nîmagaacoka mamûvûûre na ivoko na mamûûrage. Na mûthenya wa kathatû nîakaariûka.”

Luka 23:1

Athuuri onthe a Kîamma nîmaaûkîrire na makîvira Jesû agacirithue nî Pilato.

Luka 23:11

Nake Herode na athigari ake nîmaanyûrûririe Jesû na makîmwîka maûndû meengî ma ûûra nthoni. Nîmaacokire makîmwîkîra kanjû yarî ya goro na ya riiri na makîmûcokia kûrî Pilato.

Luka 23:35

Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.

Johana 18:30

Nao nîmaamûcokerie atîrî, “Kethîrwa mûndû ûyû ndarekîte naaî tûtingîakwindîra ke.”

Johana 18:32

(Ûndû ûyû wekîkire nîguo maûndû mavinge marîa Jesû aarîtie megiî mûthemba wa gîkuû kîrîa agaakua.)

Johana 18:35

Pilato nîwamwîrire atîrî, “Nîkwa ûreciria nie nîrî Mûyahudi? Nî andû enyu na anene a athînjîri-Ngai makûnenganîre kûrî nie. We nîkwa wîkîte atîa?”

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.