Luka 18:3 - ÎVUKU RÎA ÛVORO MWARO

³ Na wa kûu îtûûrarî rîu, kwarî na mûndûmûka wa ndigwa watindaga akîthiî kûrî mûcirithania ûcio na akamûthaithaga athikîrîrie ivooto ciake akîmwîraga atîrî, ‘Nie nîrenda ûndethererie ciirarî îno nthitangîtwe nayo nî nthû yakwa!’

Luka 18:3 ပူးပေါင်းရင်းမြစ်များ

Ayubu 22:9

Aka a ndigwa maûka gwaku menûkaga njara ntheri, na ûkathiria ciana cia ndigwa vinya.

Ayubu 29:13

Arîa maarî vakuvî gûkua nîmaandathimire, nînatûmire mûndûmûka wa ndigwa ecûrwe nî gîkeno.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Mathaayo 5:25

“Ethîrwa nî kûrî mûndû ûrakûthitanga nî ûndû atî nîûmwîkîte ûndû mûcûku, geria mwîgucane nake mbere ya mûkinya îgootirî, nîûndû wona mwakinya kuo nîagûkûnenganîra kûrî mûcirithania nake akûnenganîre kûrî athigari na wikue njeera.

Luka 18:2

“Îtûûrarî rîmwe kwarî na mûcirithania ûtetigagîra Ngai kana ava andû gîtîîo.

Luka 18:4

Nake mûcirithania ûcio nîwekarire mîthenya mîîngî akîregaga gûtethereria mûndûmûka ûcio, nwatî mûthiiarî akîîra na ngoro yake atîrî, ‘Wana angîthîrwa ndiîtigagîra Ngai kana ngava andû gîtîîo,

Luka 18:5

nie nwa nginya ndethererie mûndûmûka ûyû nîguo ndagatindage agîûka kûnogia!’ ”

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’